“Turan Tovuz”un panamalı legioneri Roderik Millerin çıxış etdiyi Panama millisi ABŞ-də təşkil olunan Amerika Kubokunda növbəti oyununu keçirib.
Msport.az xəbər verir ki, yığma Boliviyanı 3:1 hesabı ilə üstələyib.
C qrupunun digər matçında meydan sahibləri Uruqvaya uduzub – 0:1.
Bu nəticələrdən sonra Uruqvay 9, Panama isə 6 xalla növbəti mərhələyə vəsiqə qazanıb. ABŞ 3 xalla üçüncü olubsa, Boliviya turniri xalsız başa vurub.
Qeyd edək ki, turnir iyulun 14-də yekunlaşacaq.
