Pekin Yens Stoltenberqin Çinlə bağlı açıqlamalarını müstəqil şəkildə qiymətləndirə bilər.
Publika.az xəbər verir ki, bunu Kremlin sözçüsü Dmitri Peskov bildirib.
"Bu, mənfi haldır, lakin digər tərəfdən, biz əminik ki, çinli dostlarımız özləri belə hərəkətlərə lazımi qiymət verə bilərlər", - Rusiya dövlət başçısının mətbuat katibi bildirib.
Bir müddət əvvəl NATO-nun baş katibi bildirib ki, Çin İkinci Dünya Müharibəsindən sonra Avropada ən böyük münaqişəni qızışdırır. İttihama səbəb Rusiya tərəfindən Çin texnologiyasından istifadə edilən dronların istehsalı olub.
