1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Çinin "Tianlong-3" daşıyıcı raketi ölkənin şərqindəki Henan əyalətinin Qonqyi şəhəri yaxınlığında sınaq zamanı qəzaya uğrayıb və partlayıb.
Bu barədə buraxılışı həyata keçirən "Tianbing Technology" aerokosmik şirkətinin bəyanatına istinadən məlumat verilib.
Bildirilib ki, gövdə ilə sınaq bloku arasındakı əlaqənin konstruksiyasında yaranan nasazlıq səbəbindən birinci pillədəki mühərrik alovlanıb. Raket dağlara düşüb, tələfat olmayıb. Əvvəlcədən yaxınlıqdakı yaşayış məntəqələrindən insanlar təxliyə ediliblər.
Qeyd edək ki, "Tianlong-3" internet peyk qruplaşması yaratmaq üçün nəzərdə tutulmuş iri daşıyıcı raketdir. Onun xüsusiyyətləri ABŞ-nin "SpaceX" şirkətinin "Falcon-9"u ilə müqayisə olunur. Raketin diametri 3,8 metr, uçuş çəkisi isə 590 tondur.
Mənbə: iz.ru
