Fransada növbədənkənar parlament seçkilərinin birinci turunda səsvermə üçün seçki məntəqələri açılıb.
RİA Novosti xəbər verir ki , ölkənin Avropa ərazisində səsvermə saat 18:00-dək davam edəcək .
Böyük şəhərlərdə seçki məntəqələri saat 20:00-a qədər açıq ola bilər. Bu müddətdən sonra ilk rəsmi nəticələr məlum olacaq.
Bundan əvvəl Rusiya prezidentinin mətbuat katibi Dmitri Peskov Moskvanın Fransadakı seçki kampaniyasının nəticələrində maraqlı olduğunu açıqlamışdı.
Həmçinin məlumat verilib ki, parlament seçkiləri iki turda – iyunun 30-da və iyulun 7-də keçiriləcək. Fransa lideri Emmanuel Makron səsvermənin “nəticəsindən asılı olmayaraq” istefa verməyəcəyini açıqlayıb.
DOĞRU.AZ
