Pakistan parlamentinin aşağı palatası olan Milli Assambleya ABŞ Nümayəndələr Palatasının seçkilərdə "saxtakarlıq" iddialarının araşdırılmasını tələb edən qərarını pisləyib.
Turkustan.az xəbər verir ki, Pakistan ABŞ-ı ölkədəki seçkilərlə bağlı təhqiqat çağırışına görə qınayıb və “ABŞ-ın Pakistanın daxili işlərinə müdaxiləsinə dözməyəcəyik” deyib. Millət vəkili Şaista Malik qınama qətnaməsini Milli Məclisə təqdim edib.
Qanun layihəsi həbsdə olan keçmiş baş nazir İmran Xanın partiyası olan Pakistan Ədalət Hərəkatının (PTI) deputatlarının etirazlarına baxmayaraq, səsvermədə qəbul edilib.
Malik səsvermədən sonra verdiyi açıqlamada ABŞ Konqresinin Nümayəndələr Palatasının qəbul etdiyi qətnamənin “tamamilə faktlara zidd” olduğunu və Pakistanın daxili işlərinə müdaxiləyə dözməyəcəklərini bildirib .
İyunun 25-də ABŞ Konqresinin Nümayəndələr Palatası fevralın 8-də Pakistanda keçirilən seçkilərdə qanun pozuntuları ilə bağlı iddiaların müstəqil araşdırılmasını tələb edən qətnamə qəbul edib.
Eltac Zülfüqaroğlu/Turkustan.az
