Prezident İlham Əliyev altıncı çağırış Azərbaycan Respublikası Milli Məclisinin buraxılması və Azərbaycan Respublikasının Milli Məclisinə növbədənkənar seçkilərin təyin edilməsi haqqında Sərəncam imzalayıb. Musavat.com xəbər verir ki, Sərəncama əsasən, altıncı çağırış Azərbaycan Respublikasının Milli Məclisi buraxılıb. Azərbaycan Respublikasının Milli Məclisinə növbədənkənar seçkilər 2024-cü il sentyabrın 1-nə təyin edilib.
Gündəmin ikinci mövzusu münaqişədir. Ukrayna bu gecə təşkil etdiyi dron hücumu zamanı Rusiyanın Tambov vilayətindəki neft bazasında yanğın baş verib. Tambov vilayətinin başçısı Maksim Yeqorov Teleqram kanalında itki olmadığını yazıb. Neft anbarı Tambov vilayətinin Miçurin şəhəri ərazisində yerləşir.
Yeqorovun sözlərinə görə, dərhal hadisə yerinə gələn 11 yanğınsöndürmə briqadası söndürmə işlərinə cəlb olunub. O qeyd edib ki, ən yaxın məskunlaşan ərazi 3 km məsafədədir və lazım gələrsə, sakinlər təxliyə olunacaq. “Bunun üçün hər şey hazırdır”, – deyə rayon rəhbəri əlavə edib.
