“Xanımım ən çətin vaxtlarımda yanımda olub. Əlimi tutub deyib ki, “mən sənin yanındayam, büdrəmə”.
Bakıvaxtı.az xəbər verir ki, bu sözləri müğənni Kərim Abbasov “Günaylı gün” verilişində deyib.
İfaçı həyat yoldaşını yerə-göyə sığdırmayıb:
“Vaxt olub ki, onun sonuncu qızıllarını lombarda qoymuşam. Bunu məcburiyyətdən etmişəm. O qədər utanmışam, xəcalət çəkmişəm ki... Amma demişəm ki, bunun əvəzini çıxacam. Vaxt gələcək sənin o qədər qızılın olacaq ki, deyəcəksən “stop, dayan”. İndi elədir. Deyir aldıqlarını taxıb qurtara bilmirəm, bəsdir, alma daha. Ona nə etsəm azdır. Canım belə azdır ona. Yetər ki, məndən nəsə istəsin”.
Ziyafət Əlisoy
