Qazaxıstandan olan bir turist, Pompeydəki son Samnit dövründən qalan yaşayış memarlığının bir neçə nümunəsindən biri olan Ceii Evinə "ALI" adını həkk edib.
News24.az xəbər verir ki, şəhərin məşhur evlərindən birinin gips divarına adını yazarkən yaxalanan turist saxlanılıb.
Qazaxıstanda yerləşən Kazinform xəbər agentliyinin xəbərinə görə, şəxsiyyəti açıqlanmayan turist bütün lazımi prosedurlar tamamlandıqdan sonra İtaliya hüquq-mühafizə orqanları tərəfindən sərbəst buraxılıb.
Parkın direktoru Qabriel Zuchtriegel bildirib ki, divarın hər hansı bərpası turistlər tərəfindən ödənilməlidir.
İtaliyanın mədəniyyət naziri Gennaro Sangiuliano mətbuata açıqlamasında bu hərəkəti "mədəniyyətsiz və axmaq biabırçılıq" adlandırıb və günahkarın divarın təmiri üçün pul ödəməli olacağına inandırıb.
Günel Məlikzadə
