Stokholmdakı İsveç Təbiət Tarixi Muzeyinin mütəxəssisləri Danimarkadan olan həmkarlarının iştirakı ilə Yerdəki son mamont populyasiyasının - təxminən 10 min il əvvəl Vrangel adasında məskunlaşmış sürünün genomunu tədqiq ediblər.
32gun.az bildirir kimi, tədqiqat Cell elmi jurnalında dərc olunub.
Təhlillərin nəticələri adada növbəti 6 min il ərzində təcrid olunmuş mamont qrupunun yaşadığını göstərdi. Onların hamısı maksimum səkkiz fərddən yaranmışdır, lakin 20 nəsildən sonra populyasiya 200-300 heyvana qədər artmışdır.
Alimlər qeyd ediblər ki, qohumluq (inbredinq) və aşağı genetik müxtəliflik əlamətlərinə baxmayaraq, sürünün degenerasiyası onun sonda nəsli kəsilməsinin səbəbini izah edə bilmir.
Əldə edilən məlumatlara görə, Vrangel adasında mamont populyasiyasının ölçüsü sona qədər sabit qaldı.
Nəhəng sürü öz tarixi boyu tədricən orta dərəcədə zərərli mutasiyalar toplasa da, elm adamları heyvanların ən zərərli mutasiyalardan da qurtulduğunu aşkar ediblər.
"Biz indi populyasiyanın çox kiçik olması və onun genetik olaraq yoxa çıxması fikrini inamla rədd edə bilərik" deyə məqalənin baş müəllifi, təkamülçü genetik Love Dahlen deyib.
Mütəxəssislər hesab edirlər ki, Yerdəki son mamontlar hansısa təsadüfi fəlakət nəticəsində öldürülə bilərdi. Əks halda, müəyyən ehtimalla nəhəng heyvanlar bu günə qədər sağ qala bilərdilər.
Ayxan
Alimlər yer üzündə mamontların nəsli kəsilməsinin səbəbi ilə bağlı məşhur nəzəriyyəni təkzib ediblər
Bütün xəbərləri reklamsız oxumaq üçün
Günlük ölkədə baş verən xəbərləri bizdən izlə.
