Kürdəmir sakini göldə batıb.
APA-nın yerli bürosunun xəbərinə görə, rayonun Mürtülü kənd sakini, 1974-ci il təvəllüdlü Vasif Ələddin oğlu Mahmudov kənd ərazisində yerləşən göldə batıb. Hadisə yerinə Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasetmələri cəlb olunub. Meyit tapılaraq sudan çıxarılıb və aidiyyəti üzrə təhvil verilib.
