1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Peşəkar Futbol Liqasının (PFL) icraçı direktoru Zaur Hacı-Məhərrəmov UEFA-dan təyinat alıb.
Oxu.Az xəbər verir ki, bu barədə PFL-in rəsmi saytında məlumat yayılıb.
Bildirilib ki, PFL rəsmisi Konfrans Liqasının I təsnifat mərhələsinin oyununda fəaliyyət göstərəcək.
O, iyulun 18-də Albaniyada keçiriləcək "Tirana" (Albaniya) - "Torpedo" (Kutaisi, Gürcüstan) görüşünün UEFA nümayəndəsi olacaq.
Qeyd edək ki, 2023-cü il dekabrın 16-da Yevlax-Ağdam-Laçın yolunun Ağdam rayon ərazisindən keçən hissəsində yol-nəqliyyat hadisəsi baş verib. Belə ki, Bakı şəhər sakini Rasim Qafarlının idarə etdiyi "Mercedes Vito" markalı avtomobil Xankəndi şəhəri istiqamətində hərəkətdə olarkən yol nişanına çırpılıb. Nəticədə PFL prezidenti Elxan Səmədov, vitse-prezident Aslan Şahgəldiyev, icraçı direktor Zaur Hacı-Məhərrəmov, media və marketinq direktoru Sənan Abdullayev, texniki-idman direktoru Elgiz Abbasov və sürücü Rasim Qafarlı müxtəlif dərəcəli bədən xəsarətləri alıblar.
