Rusiya 27 Avstraliya və 36 Yeni Zelandiya vətəndaşı olmaqla ümumilikdə 63 nəfərin ölkəyə girişinə qadağa qoyub.
Rusiya Xarici İşlər Nazirliyi 27 Avstraliya və 36 Yeni Zelandiya vətəndaşının ölkəyə girişinə qadağa qoyulduğunu bildirib.
Nazirlikdən verilən açıqlamada Avstraliya rəhbərliyinin bəzi Rusiya vətəndaşlarına qarşı "siyasi səbəblərdən" görə sanksiya tətbiq etdiyi bildirilib.
Cavabda 27 Avstraliya vətəndaşının ölkəyə girişinə qadağa qoyulduğu qeyd edilən bəyanatda sözügedən vətəndaşlar arasında keçmiş siyasətçilər, şirkət rəhbərləri, universitet müəllimləri və jurnalistlərin də olduğu bildirilib.
Açıqlamada Avstraliyanın Rusiyaya qarşı siyasətini davam etdirdiyi və buna görə də sanksiyalar siyahısının yenilənməsi istiqamətində işlərin davam etdiriləcəyi deyilib.
Digər tərəfdən, 36 Yeni Zelandiya vətəndaşının ölkəyə girişinə qadağa qoyulduğu və bu şəxslər arasında siyasətçilər, hüquq-mühafizə orqanları əməkdaşları, universitet müəllimləri və jurnalistlərin olduğu ifadə edilən açıqlamada, “Vellinqton Rusiyaya qarşı siyasət yürütməkdən əl çəkmir. Bu səbəblə sanksiya qərarları alır. Sanksiya siyahısını yeniləmək üçün səylər davam edəcək" söylənilib.
