Gürcüstan millisinin qapıçısı Giorgi Mamardaşvili seyvlərin sayına görə 2024-cü il Avropa çempionatının qrup mərhələsinin ən yaxşı qapıçısı olub.
90deqiqe.Az xəbər verir ki, bu barədə UEFA-nın rəsmi saytı məlumat yayıb.
Mənbənin sözlərinə görə, Mamardaşvili buraxılan dörd qolla üç oyunda 21 seyv edib ki, bu da 2004-cü il qitə çempionatında latviyalı Aleksandr Kolinkonun qrupdakı rekordunu təkrarlayır. İkinci sırada isə 13 seyv edən Rumıniya millisinin qapıçısı Florin Nita qərarlaşıb. Üçüncü yeri beş qapıçı bölüşüb: Canluici Donnarumma (İtaliya), Bart Verbruggen (Hollandiya), Anqus Gunn (Şotlandiya), Koen Castells (Belçika) və Martin Dubravka (Slovakiya).
Almaniyada Avropa çempionatı iyunun 14-dən iyulun 14-dək keçiriləcək. Ən titullu Avro komandaları hərəyə üç dəfə turnirin qalibi olan Almaniya və İspaniyadır.
