Uşaqlar və yeniyetmələr tez-tez gözlərinin qarşısında qəribə naxışlar və ya ləkələr görürlər.
“Cebhe.info” xəbər verir ki, bu barədə terapevt Sermed Mecer danışıb.
O, “Daily Mirror”-a bu parıltıların yaranmasının səbəbini açıqlayıb.
Həkimin sözlərinə görə, insanların 75 faizi gözlərini yumduqda ən azı bir dəfə rəngli nümunələr görüblər:
“Bu, bir qayda olaraq təhlükəli deyil, lakin onların görünüşünün səbəbi dəqiq məlum deyil”.
Onun sözlərinə görə, bununla bağlı bir neçə fərziyyə var.
“Birincisi birbaşa mexaniki stimullaşdırmadır. Yəni göz qapaqlarına sürtünmə və ya təzyiq nəticəsində tor qişanın daxilində işığa reaksiya verən hüceyrələr stimullaşdırılır. Bu yolla biz müxtəlif rənglər və formalar görürük”.
Bundan əlavə, foton şüalanması və ya maqnit sahələrinə məruz qalma nəticəsində gözlər qarşısında qəribə rəngli formalar meydana gələ bilər. Terapevtin fikrincə, bu cür rəng flaşları adətən uşaqlar və yeniyetmələr tərəfindən görülür, onlar böyüklərdə nadirdir;
