Parisin apellyasiya məhkəməsi Suriya prezidenti Bəşər Əsədə qarşı həbs orderini qüvvədə saxlayıb, prokurorun dövlət başçısı kimi onun digər ölkələrin milli məhkəmələrində təqib olunmaması ilə bağlı şikayətini rədd edib.
Oxu24.com xəbər verir ki, bu barədə BBC məlumat yayıb.
İstintaq hakimləri 2023-cü ilin noyabrında bir qrup qeyri-hökumət təşkilatının tələbi ilə Əsədin həbsinə order veriblər. O, 2013-cü ilin avqustunda Duma və Şərqi Qutaya iki kimyəvi hücumda ittiham olunur. Amerika kəşfiyyatının məlumatına görə, mindən çox insan ikinci hücumun qurbanı olub.
Fransada bu iş universal yurisdiksiya prinsipi əsasında araşdırılır ki, bu da insanlığa qarşı cinayətlərin törədildiyi yerdə deyil, istənilən ölkənin məhkəmələrində mühakimə olunmasına imkan verir.
Bununla belə, Milli Terrorla Mübarizə Prokurorluğu daha sonra orderin etibarlılığına etiraz edərək, Əsədin dövlət başçısı kimi yalnız Haaqa Beynəlxalq Cinayət Məhkəməsi kimi beynəlxalq məhkəmələrin orderi əsasında həbs oluna biləcəyinə işarə edib.
Nigar
