Macarıstan Avropa İttifaqı ilə Ukrayna arasında bu ölkənin Aİ-yə daxil olması ilə bağlı danışıqların başlaması ilə razı deyil, lakin Budapeşt bu prosesi əngəlləmək niyyətində deyil.
NOCOMMENT.az xəbər verir ki, bunu Macarıstanın baş naziri Viktor Orban deyib.
“Macarıstan bu üzvlük prosesi ilə razı deyil, lakin biz buna mane olmuruq və danışıqların başlanmasını dəstəkləyirik”, – Macarıstan Nazirlər Kabinetinin rəhbəri vurğulayıb.
Orban əlavə edib ki, Ukraynanın Aİ-yə daxil olması ilə bağlı danışıqlar “sırf siyasi motivli prosesdir”. O, Ukrayna kimi bir dövlətin Aİ-yə qəbulu ilə bağlı mümkün qərarın potensial nəticələrinə diqqət çəkib.
