Avstriya millisinin hücumameyilli yarımmüdafiəçisi Marsel Sabitzer Avro-2024-ün qrup mərhələsinin 3-cü turunun Hollandiya ilə oyununda (2:3) ən yaxşı oyunçu seçilib.
90deqiqe.Az xəbər verir ki, bu barədə Avropa Futbol Assosiasiyaları İttifaqının (UEFA) saytı məlumat yayıb.
Hollandiya ilə oyunda Sabitzer komandasına qələbə qazandıran qolun müəllifi olub. Bu, görüşün 80-ci dəqiqəsində baş verib.
Sabitzerin qolundan əvvəl, artıq görüşün altıncı dəqiqəsində hollandiyalı hücumçu Doniell Malen topu öz komandasının qapısına kəsərək avstriyalıları önə çıxarıb. Daha sonra 47-ci dəqiqədə hollandiyalı hücumçu Kodi Qakpo Xavi Simonsun ötürməsi ilə hesabı bərabərləşdirib. Amma 59-cu dəqiqədə Avstriya millisinin yarımmüdafiəçisi Romano Şmid avstriyalıların ikinci qolunu vurub. Daha sonra 75-ci dəqiqədə Hollandiya hücumçu Memfis Depayın səyi ilə yenidən hesabı bərabərləşdirib.
