Birinci rübün nəticələrinə əsasən, Hindistan azot gübrələrinin alışını illik müqayisədə 35% azaldaraq 1,1 milyon tona çatdırıb.
Valyuta.az xəbər verir ki, bu barədə “Vedomosti” qəzeti Qiymət İndeksləri Mərkəzinin (CPI) məlumatlarına istinadən yazır.
Hindistanda karbamidin 90%-ni istehsal etmək üçün istifadə edilən LNG-nin ucuzlaşması fonunda gübrə idxalı azalıb. Yanvar-mart aylarında enerjinin alış qiyməti 26% azalaraq 1000 kubmetr üçün 393 dollar təşkil edib. Daxili bazarda qazın qiyməti birinci rübün sonuna 1000 kubmetr üçün 286 dollar təşkil edib (illik -8%).
Nəticədə Hindistanda gübrə istehsalının dəyəri 6% azalaraq bir ton üçün 246 dollara düşüb. Bu, idxal qiymətindən bir ton üçün 84 dollar aşağıdır.
Hindistan azot gübrələri üçün dünyanın ən böyük bazarıdır. Bununla belə, yerli hakimiyyət orqanları ölkənin karbamid idxalından asılılığını azaltmağa və öz istehsalını artırmağa çalışır. Gələcəkdə bu, Hindistanın əsas alıcılardan biri olduğu yerli gübrə istehsalçılarına təsir göstərə bilər.
Nicat
