Çin Qazaxıstana zəlzələləri proqnozlaşdırmağa kömək edəcək.
İnterpress.az xəbər verir ki, bu barədə “Kazinform” məlumat yayıb. Bildirilir ki, Çin Qazaxıstana zəlzələləri proqnozlaşdırmaqda yardım edəcək.
Gələn il Qazaxıstanda 5 yeni seysmik stansiya quraşdırılacaq. Layihəni Qazaxıstanın Milli Seysmoloji Tədqiqatlar Elmi Mərkəzinin müqavilə bağladığı Çin Zəlzələ Agentliyi maliyyələşdirəcək.
Həmçinin ABŞ-ın dəstəyi ilə Mərkəzi Asiya ölkələrində seysmik riskin qiymətləndirilməsi layihəsi çərçivəsində təlim kurslarının keçirilməsi nəzərdə tutulur.
Xuraman Etibarlı
İnterpress.az
