"Barselona" yay transfer pəncərəsi dövründə heyətini gücləndirməyə çalışır.
90deqiqe.Az “Relevo”ya istinadən məlumat verir ki, "Hall Siti"nin şərəfini qoruyan cinah yarımmüdafiəçisi Ceyden Filoqin-Bideis Kataloniya klubunun radarındadır.
“Barselona” artıq “Hall Siti” ilə 22 yaşlı futbolçunun satın alma şərti ilə mümkün icarəsi ilə bağlı təmaslara başlayıb.
Gənc ingilis oyunçu ötən ilin payızından “Hall Siti”də çıxış edir. O, "pələnglər" üçün 32 matçda iştirak edib, 12 qol vurub və 6 məhsuldar ötürmə edib. Nüfuzlu Transfermarkt portalının mütəxəssisləri Ceydeni 15 milyon avro dəyərində qiymətləndirirlər.
