Bakı, 25 iyun, AZƏRTAC
Azərbaycan badmintonçusu Rəvan Niftalıyev beynəlxalq səviyyəli sertifikata layiq görülüb.
Azərbaycan Badminton Federasiyasından AZƏRTAC-a verilən məlumata görə, o, Dünya Badminton Federasiyası tərəfindən İspaniyanın Vitoriya şəhərində təşkil edilən “BWF National Level 1 Classifier Workshop” kursunda iştirak etməklə bu uğura nail olub.
Qeyd edək ki, sertifikat beynəlxalq səviyyədə parabadminton üzrə məşqçi kimi çalışmağa imkan verir.