Glioblastoma olduqca aşağı sağ qalma nisbətlərinə malik nadir beyin şişidir.
Onun müalicəyə qarşı müqaviməti xərçəng hüceyrələrinin immunitet sistemini “aldatdığı” xüsusi siqnallarla əlaqələndirilir.
“Cebhe.info” xəbər verir ki, bunu “Neuro-Oncology” jurnalında dərc olunan araşdırma göstərib.
İmmunoterapiya immun hüceyrələrin şişləri tanımaq və məhv etmək qabiliyyətinə əsaslanan xərçəng müalicəsi üsuludur. Bu, əvvəllər insanın sağ qalma şansı olmayan bir çox növ şişlərini müalicə etməyə imkan verdi. Lakin qlioblastoma zamanı immunoterapiya səmərəsiz olub.
Tipik olaraq, xərçəng hüceyrələrinin müalicəyə qarşı müqaviməti mutasiyaların inkişafı ilə əlaqələndirilir. Ancaq bu, hüceyrənin DNT-sində dəyişikliklər tələb edən uzun bir prosesdir.
Alimlər yeni bir araşdırmada glioblastoma hüceyrələrinin normal hüceyrələr kimi maskalanaraq görünüşlərini dəyişdirdiklərini aşkar ediblər. Buna görə immunitet sistemi onlara hücum etmir və immunoterapiya təsirsizdir.
Bioloqlar bu aldatmada iştirak edən xüsusi molekullar da tapıblar. Bu, glioblastoma ilə mübarizə üçün yeni immunoterapiya növlərinin əsasını təşkil edə bilər.
