Xəbər verdiyimiz kimi, Fransada növbədənkənar seçkilərin birinci turu iyunun 30-da keçiriləcək. Fransa prezidenti Emmanuel Makron bildirib ki, ifrat sağçı lider Marine Le Penin Milli Birlik (RN) partiyası və ifrat solçu “İtaətsiz Fransa” (LFI) partiyasının siyasi proqramları ölkəni vətəndaş müharibəsinə sürükləyə bilər.
Publika.az xəbər verir ki, Makron podkast yayımında rəqib partiyaların seçki vədlərini dəyərləndirib.
"Hər şeydən yorulduğumuzda, həyat hər gün çətinləşəndə, daha sürətli həll yolları təklif edən ekstremistlərə cəlb oluna bilərik. Bununla belə, həll yolu heç vaxt digərini rədd etmək olmayacaq", - o deyib.
Makron LFI-nin Fransa üçün bir növ “kommunitarizm” təklif etdiyini bildirib. O, bu partiyaların ölkədəki münaqişəni artırmaqla təklif etdiyi həll yolunun səhv olduğunu bəyan edib.
