ABŞ-da bir evin üzərinə kosmos tullantıları düşüb, ailə NASA-dan təzminat istədi
Ednews diken.com-a istinadən xəbər verir ki, ABŞ-ın Florida ştatında kosmosdan gələn dağıntılar evin üzərinə düşüb. Ailə NASA-dan ən azı 80 min dollar (136 min manat) təzminat tələb edib.
“The Washington Post” qəzetinin yazdığına görə, martın 8-də Florida ştatının Neapol şəhərində Alejandro Oteronun evinə 700 qram ağırlığında əşya dəyib və damda deşik yaranıb.
NASA, obyektin 2021-ci ildə Beynəlxalq Kosmik Stansiyadan tullantı kimi atılan bitmiş batareyaların yük paletinin bir hissəsi olduğunu təsdiqlədi.
ABŞ Kosmik Agentliyinin məlumatına görə, sözügedən obyekt Yerə düşməzdən əvvəl tamamilə parçalanmalı idi, lakin atmosferə daxil olanda onun bir hissəsi tam qalmışdı.
Xəyal
