Rusiya Avropa İttifaqının Moskvaya qarşı sanksiyalarına cavab olaraq ölkəyə girişi qadağan olunan Aİ nümayəndələrinin siyahısını genişləndirir.
Sfera.az xəbər verir ki, bu barədə Rusiya Xarici İşlər Nazirliyinin bəyanatında bildirilib.
Departament xatırladıb ki, iyunun 24-də Aİ ölkələri növbəti 14-cü sanksiya paketini qəbul ediblər.
“Rusiya tərəfi bu qeyri-dost addımlara cavab olaraq dövlətimizin ərazisinə girişi qadağan olunmuş Aİ nümayəndələrinin siyahısını xeyli genişləndirib”, - nazirlik bildirib.
Xarici İşlər Nazirliyi aydınlaşdırıb ki, söhbət hüquq-mühafizə orqanlarının, iş adamlarının və dövlət təşkilatlarının nümayəndələrindən, Ukraynaya hərbi yardımın göstərilməsinə cavabdeh olan şəxslərdən gedir.
Rusiya Federasiyasının Rusiyanın cavab “stop siyahısı”na Avropa Şurasının nümayəndələri, Avropa İttifaqı ölkələrinin qanunvericilik assambleyalarının üzvləri və AŞPA-dakı milli nümayəndə heyətləri daxildir.
Nazirlik xatırladıb ki, Qərbin hər hansı qeyri-dost hərəkəti artıq “lazımi cavabsız” qalmayacaq.
Əzizə
