Macarıstan yığması Şotlandiyanı 1:0 hesabı ilə məğlub edərək Avropa çempionatının 1/8 final mərhələsinə yüksəlmək şanslarını qoruyub.
90deqiqe.Az "Opta"ya istinadən xəbər verir ki, “Sehrli macarlar” qələbə qolunu sonuncu dəqiqələrdə Roland Şallayın ötürməsindən sonra Kevin Çobot vurub.
Çobot Şotlandiya millisinin qapısına 99-cu dəqiqə 32-ci saniyədə yol tapa bilib.
Beləliklə, bu qol əlavə vaxtlar nəzərə alınmadan Avropa çempionatında ən son dəqiqələrdə vurulan qol kimi qeydə alınıb.
Macarıstan komandası üç xalla A qrupunda üçüncü yeri tutub. Digər kvartetlərdə ən azı iki üçüncü yer daha pis nəticə göstərsə, “Sehrli Magyarlar” pley-offda olacaq.
