"Ştutqart"ın mərkəz müdafiəçisi Valdemar Anton tezliklə "Borussiya"nın (Dortmund) futbolçusu olacaq.
QOL.az xəbər verir ki, bu barədə insayder Fabrizio Romano məlumat verib. Bildirilib ki, tərəflər 27 yaşlı oyunçunun transferi ilə bağlı razılığa gəliblər. Bu transfer üçün Dortmund təmsilçisi 22 milyon avro ödəyəcək. Bu, almaniyalı futbolçunun müqaviləsində nəzərdə tutulan təzminat qiymətidir.
Qeyd edək ki, Anton ötən mövsüm 37 oyuna çıxıb, 1 qol vurub və 4 qolun ötürməsini verib.
