Premyer Liqa klublarının bəzilərinin sponsorla bağlı problem yaşadığı bir dönəmdə aşağı liqada mübarizə aparan “Şəfa” klubunda bu yöndə hər hansı çətinlik görünmür.
İdmanxeber.az-a daxil olan məlumata görə, bir neçə ay öncə paytaxt təmsilçisinə sahiblik edən, klubun təxminən 100 min manata yaxın borcunu bağlayan “MY Group” MMC-nin iddiası daha böyük olub. Şirkət klubun səhmlərinə sahib olduqdan qısa müddət sonra AFFA-ya müraciət ünvanlayıb. Ölkə futbolunda yeni sima olan sponsor qurumdan klubun Premyer Liqada oynamasına şəraitin yaradılması xahiş olunub. Hətta klubun yeni rəhbərliyi “Şəfa”nın Premyer Liqada dövlət tərəfindən ayrılan 3 milyon dotasiya ilə deyil, əlavə olaraq şirkətin ayıracağı 3 milyon manatla (toplam 6 milyon manat) mübarizə aparacağı bildirilib. Şirkət bununla bağlı lazım olan bank təminatını da verməyə hazır olub.
Lakin AFFA əsasnaməni poza bilməyəcəklərini bildirərək, qarşı tərəfə “yox” cavabı verib.
