Fransa yığmasının Kilian Mbappesiz uğur qazana bilməməsi faktı bir daha təsdiqlənib.
İdman.biz xəbər verir ki, bu, “üçrənglilər”in Avropa çempionatında Niderlandla görüşündə baş verib.
Fransalılar ardıcıl 7 görüşdə qələbəyə həsrət qalıblar.
Yığma karyerası 2017-ci ildən başlayan forvard bu dövrdə 9 dəfə zədə səbəbindən ölkəsinin millisinin heyətindən kənarda qalıb. Bu oyunların son 7-sində isə Fransa 5 dəfə heç-heçə edib, 2 dəfə məğlub olub. Niderlandla son matçla yanaşı, DÇ-2018 və DÇ-2022-də Danimarka (0:0) və Tunislə (0:1) oyunlar kimi məsul görüşlər də var. Amma 3-cü turlara təsadüf edən bu oyunlar Fransanın qrup qalibi olmasına mane olmayıb.
Qeyd edək ki, Fransa yığmasının Leypsiqdə Niderlandla matçı qolsuz bərabərliklə bitib.
İdman.biz
