Fransa yığmasının hücumçusu Antuan Qrizmann Avstriya ilə oyunda (1:0) burnu sınmış forvard Kilian Mbappenin səhhəti və AVRO-2024-ün 2-ci turunda Niderland millisi ilə keçiriləcək oyunla bağlı fikirlərini bölüşüb.
90deqiqe.Az bu barədə “Get French Football News”ə istinadən xəbər verir.
“Kilian yaxşı işləyir, baxmayaraq ki, burnu bir az şişmiş. Hisslərindən asılı olaraq son ana qədər izləyəcəyik.Mbappesiz Fransa oyunu? Bütün komanda uyğunlaşmalıdır. Amma onun oynayıb-oynamayacağını bilmirəm. O, dünyanın ən yaxşı oyunçularından biridir və onun varlığı və ya olmaması çox böyük fərq yaradır. Futbolda həmişə uyğunlaşmaq lazımdır. Nə olursa olsun, biz hər şeyə uyğunlaşmalı olacağıq və bu da bizim gücümüz olmalıdır”
Xatırladaq ki, görüş bu gün baş tutacaq.
