Türkiyənin “Fənərbaxça” komandası kapitanı Mərt Hakan Yandaşla müqavilənin müddətini uzadıb.
"Unikal" xəbər verir ki, yarımmüdafiəçi daha 2 il İstanbul təmsilçisinin formasını geyinəcək.
Superliqa təmsilçisi “Fatih Karagümrük”dən Levent Özcanı isə heyətinə qatıb. 23 yaşlı oyunçu ilə 4 illik sözləşmə imzalanıb.
Qeyd edək ki, “Fənərbaxça” ötən mövsüm Türkiyə çempionatını 2-ci pillədə başa vurub. Komanda bu gündən yeni baş məşqçisi Joze Mourinyonun rəhbərliyi altında 2024/2025-ci illər mövsümünün hazırlıqlarına start verib.
