Ukraynadakı münaqişənin həlli Kiyevin NATO-ya üzv olmaqdan imtinası və mövcud nəzarət xətti üzrə atəşkəs əldə etməsini nəzərdə tutacaq.
“İki sahil” xəbər verir ki, bunu “The Spectator” jurnalına Kiyevə tez-tez səfər edən Qərb rəsmisi deyib.
Onun sözlərinə görə, prosesin necə bitəcəyi tamamilə aydındır.
“Nəzarət xətti boyunca atəşkəs, üstəgəl NATO-nun tam üzvlüyünə imkan verməyəcək səviyyədə Kiyev üçün təhlükəsizlik zəmanəti. Ərazilərin formal güzəştləri olmadan. Ukrayna bölündüyü tanınmayan Aİ üzvü olan Kipr kimi olacaq”, - deyə, nəşrin həmsöhbəti bildirib.
Xatırladaq ki, bir müddət əvvəl Rusiya lideri Vladimir Putin bildirib ki, Rusiyanın Ukraynadakı münaqişənin həlli ilə bağlı təklifləri yerdəki vəziyyətdən asılı olaraq dəyişəcək.
