AVRO 2024-ün D qrupunda Fransa - Avstriya matçında burnu qırılan Kilian Mbappe oyunu davam etdirə bilməyib və onu Jiru əvəzləyib.
News24.az xəbər verir ki, Fransalı futbolçunun çempionatın qalan oyunlarına xüsusi maska ilə çıxacağı məlum idi.
Bu yaxınlarda xüsusi hazırlanmış maska ilə məşq edən Kilian Mbappe üçün UEFA-dan pis xəbər gəlib.
Onun Almaniyada keçiriləcək UEFA Avropa Çempionatında oynamağa qayıdanda Fransanın dövlət bayrağının əks olunduğu üçrəngli maska taxmasına icazə verilməyəcəyi öyrənilib.
Bununla belə, UEFA qaydaları xüsusi istisna əldə edilmədiyi halda, matçlarda oyunçular üçün yalnız bir rəngli maskalara icazə verir.
UEFA reqlamentinin bir hissəsində deyilir ki, “Oyun meydanında geyilən tibbi avadanlıqlar tək rəngdə olmalıdır və komanda və ya istehsalçının şəxsiyyətini əks etdirməməlidir”.
Günel Məlikzadə
