Yaponiyada enerji xərclərinin artması səbəbindən inflyasiya sürətlənib. Bu, Yaponiya Mərkəzi Bankının yaxın aylarda faiz dərəcələrini artırmağı düşünə biləcəyi fikrini dəstəkləyir.
Marja.az xəbər verir ki, Yaponiya Statistika Bürosunun (e-Stat) verdiyi açıqlamaya görə, təzə qida istisna olmaqla istehlak qiymətləri may ayında ötən ilin may ayı ilə müqayisədə 2,5% artıb. Apreldə illik inflyasiya 2,2% idi. Məlumatlar iqtisadçıların gözləntilərindən bir qədər aşağı olub. Elektrik enerjisi qiymətlərindəki 14,7% artım inflyasiyaya təsir edib.
Təzə ərzaq və enerji qiymətlərini nəzərə almayan digər əsas inflyasiya isə may ayında 2,1 faiz təşkil edib. Əvvəlki ayda bu inflyasiya 2,4% idi.
