NATO-nun baş katibi Yens Stoltenberq bildirib ki, alyansın avropalı üzvlərinin hərbi xərclərinin təxminən üçdə ikisi ABŞ-ın yeni sifarişlərinə gedir, onların həcmi iki il ərzində 140 milyard dollar təşkil edir.
Oxu24.com xəbər verir ki, bu barədə TASS məlumat yayıb.
“Bu gün 20-dən çox NATO ölkəsi müdafiəyə 2%-dən çox pul xərcləyir. Və bu pulun böyük hissəsi ABŞ-a gedir. Son iki ildə bu vəsaitin üçdə ikisi ABŞ-dakı hərbi sifarişlərə yönəldilib, onların həcmi təxminən 140 milyard dollar təşkil edib”, - Stoltenberq bildirib.
Bundan əvvəl Stoltenberq bildirib ki, Şimali Atlantika Müqaviləsi Təşkilatına (NATO) üzv olan ölkələr nüvə silahının hazır vəziyyətə salınmasının zəruriliyi ilə bağlı məsləhətləşmələrə başlayıblar.
Həmçinin Stokholm Beynəlxalq Sülh Araşdırmaları İnstitutu (SIPRI) iyunun 17-nə keçən gecə dünyada döyüş hazırlığı vəziyyətində olan nüvə başlıqlarının sayının artdığını açıqlayıb.
İyunun 13-də Rusiya xarici işlər nazirinin müavini Aleksandr Qruşko bildirib ki, NATO-nun hərbi planlaşdırılmasında nüvə silahının rolu artır. Onun sözlərinə görə, onun digər Avropa ölkələrində də yerləşdirilməsi ilə bağlı müzakirələr gedir.
Bundan əvvəl İtaliya Ukraynada nüvə silahından istifadənin yolverilməz olduğunu bəyan edib.
Miri
