“Müxalifət deputatlarının mandatlarından imtinası ilə bağlı çox danışıldı, inanın ki, insanlar mandatdan yapışıb qalmır”.
Bunu iyunun 17-də Yerablur hərbi panteonunda jurnalistlərlə söhbətində “Vətən uğrunda Tavuş” hərəkatının lideri, arxiyepiskop Baqrat Qalstanyan “Müxalifətin parlamentdə problemləri həll edə bilməyəcəyini düşünürsünüzmü?” sualını cavablandırarkən deyib.
O bildirib ki, mandatlardan imtina zamanı siyasi böhran yarana bilər.
“Effektiv olanda istefa verəcəklər. Mandatların heç bir mənası yoxdur. Deyirlər ki, bu məsələ həmişə gündəmdədir, hər şey onun nə dərəcədə effektiv olacağından, nə vaxt və necə olacağından asılıdır. Mandatları təslim etməyin nə mənası var?”, - Qalstanyan bildirib.
Arxiyepiskop İstintaq Komitəsinin rüşvət paylamaq ittihamlarına toxunaraq bildirib:
“Ümumiyyətlə bu gün hüquq sistemi bir nəfərə xidmət edir. Əgər bu qədər ədalətlidirlərsə, niyə polis zorakılığı barədə heç nə demirlər və ya bu, polis nizamnaməsində yazılıb?”
Keşiş ötən gün xəstəxanalara baş çəkdiyini, həbs olunanların ailələrinə də baş çəkəcəyini vurğulayıb. Onun sözlərinə görə, heç kim geri çəkilmək fikrində deyil.
“Hətta mənə deyirlər ki, heç bir halda geri çəkilmə, bəli, bu, bizim başımıza gəldi, amma biz hər şeyi şüurlu etdik”, - Qalstanyan deyib.
