Finlandiya Prezidenti Aleksandr Stubb İsveçrədə Ukrayna sammitində çıxışı zamanı 1939-cu ildə SSRİ ilə “Qış müharibəsi”ni xatırladıb.
Axar.az xəbər verir ki, bu barədə Finlandiyanın Yle telekanalı məlumat yayıb.
“İkinci Dünya Müharibəsində Rusiya Finlandiyaya hücum etdi, biz ərazimizin 10%-ni, o cümlədən babalarımın və atamın doğulduğu yerləri itirdik”, - deyə Stubb bildirib.
Qeyd edək ki, "Qış müharibəsi" - Finlandiya ilə Sovet İttifaqı arasında 1939-cu il noyabrın 30-dan 1940-cı il martın 13-dək davam edən müharibədir. Nəticədə Finlandiya ərazilərinin 10 faizini itirdi.
