Bu gün səhər saatlarımda İranın Şəhr-e Cədid-e Mohaceran şəhərində mədən çöküb.
Referans.az xəbər verir ki, bu barədə İRNA məlumat yayıb.
Sözügedən əyalətin Qızıl Aypara Cəmiyyətinin sədri Əlirza Şəhrcerdi bildirib ki, dağıntılar altında 4 nəfərin qaldığı ehtimal edilir.
Onun sözlərinə görə, Ərak-Şazənd mədəninin dağıntıları altında qalanlara kömək etmək üçün əraziyə 14 yardım qrupu göndərilib.
Qeyd olunub ki, dağıntılar altından fəhlələrin çıxarılması üçün axtarış əməliyyatları davam edir.
