Albaniya yığması 2024-cü il Avropa çempionatında İtaliya ilə görüşdə hesabı açıb.
Publika.az xəbər verir ki, oyun Dortmundda, Siqnal İduna Park stadionunda keçirilir. Oyunun 33-cü saniyəsində Nadim Bayrami topu İtaliya yığmasının qapısına göndərib. Bu qol bütün Avropa çempionatları tarixində ən sürətli qol olub.
Bundan əvvəlki nailiyyət 2004-cü ildə Portuqaliyada keçirilən Avropa çempionatında Yunanıstan millisi ilə görüşdə matçın 68-ci saniyəsində qol vuran Rusiya millisinin hücumçusu Dmitri Kiriçenkoya məxsus olub.
15 dəqiqəlik oyundan sonra İtaliya - Albaniya matçında hesab bərabərləşib, 1:1. Oyunun 11-ci dəqiqəsində Alessandro Bastoni hesabı bərabərləşdirib.
