“Barselona”nın yeni baş məşqçisi Joan Penarroyadır. Kataloniya klubu 55 yaşlı ispan mütəxəssisin təyinatını rəsmən açıqlayıb.
Penarroyanın son iş yeri 2022/23 mövsümünü keçirdiyi “Baskoniya” komandası olub. Mütəxəssis ondan əvvəl “San Pablo Burqos”la iki dəfə Çempionlar Liqasının qalibi olub.
Xatırladaq ki, Kataloniya klubu bu mövsüm qeyri-qənaətbəxş nəticələrə görə Rocer Qrimaunu istefaya göndərmişdi. Komanda İspaniya çempionatının yarımfinalında Madrid “Real”ına (0:3), Avroliqanın pley-off mərhələsinin 1/4 finalında isə “Olimpiakos”a (2:3) məğlub olub.
