Həkim-ginekoloqlar qadın həyatının müxtəlif dövrlərində qadın sağlamlığının qorunması məsələləri ilə məşğul olan dəyərli və peşəkar insanlardır.
Aztibb.az-ın "Həkimlərimizi tanıyaq!" rubrikasında təqdim edəcəyimiz həmin insanlardan biri də Xətai Tibb Mərkəzinin mama-ginekoloqu Şərifə Məhərrəməli qızı Musayevadır.
O, 1992- ci ilin aprel ayında Bakı şəhərində anadan olub. 2009–ci ildə Kimya-biologiya təmayüllü Respublika liseyini bitirib. 2010-2016-cı illərdə Azərbaycan Tibb Universitetinin Pediatriya fakültəsində təhsil alıb. 2017-2022-ci illərdə Respublika Klinik Xəstəxanasında mamalıq və ginekologiya üzrə rezidentura keçib.
Şərifə Musayeva 2022-2023-cü illərdə Zirə MDM-də doğum şöbəsində işləyib. 2023- cü ilin may ayından Xətai Tibb Mərkəzində həkim mama-ginekoloq vəzifəsində çalışır.
