Rusiya Mərkəzi Bankı ölkənin xarici ticarətində rubl, yuan və dost ölkə valyutalarının payının 80 faizə çatdığını açıqlayıb.
Rusiya Mərkəzi Bankının verdiyi yazılı açıqlamada ABŞ-ın sanksiyaları səbəbiylə Moskva Birjasında dollar və avro ilə əməliyyatların dayandırılması ilə bağlı qiymətləndirmələrə yer verilib.
Bloomberght xəbər verir ki, bəyanatda Moskva Birjasına tətbiq edilən sanksiyaların yalnız daxili valyuta bazarında əməliyyatların strukturunu dəyişdirdiyinə, ixracdan gələn valyuta daxilolmalarına və idxal ödənişlərinə təsir etməyəcəyinə diqqət çəkilib.
Açıqlamada artıq valyuta məzənnələrinin birjadankənar bazardan əldə edilən məlumatlarla müəyyən ediləcəyi qeyd edilib və vətəndaşların və şirkətlərin banklardan dollar və avro almasına heç bir məhdudiyyətin olmadığı bildirilib.
Rusiya bazarında dollar və avronun payının son illərdə əhəmiyyətli dərəcədə azaldığına diqqət çəkən açıqlamada, “Bu, ticarətin Şərqə yönləndirilməsi və ödənişlərin rubl, yuan və digər valyutalara dəyişməsinin nəticəsidir. Bu valyutalar hazırda xarici ticarət ödənişlərinin təxminən yüzdə 80-ni təşkil edir" bəyanatlar daxil edilib.
Açıqlamada, Moskva birjasında yuanın payının yüzdə 54 olduğu və valyuta əməliyyatlarında ən çox istifadə edilən valyuta olduğu vurğulanıb.
ABŞ Maliyyə Nazirliyi dünən Moskva Birjasını sanksiyalar siyahısına salıb və qərardan sonra Moskva Birjasında dollar və avro ilə əməliyyatlar dayandırılıb.
Rusiya rəsmiləri ABŞ-ın tətbiq etdiyi bütün sanksiyaların qeyri-qanuni olduğunu bəyan edirlər.
