İş yerləri ilə bağlı duzlu, istiotlu hesabatlar açıqlanır, amma bağlanan iş yerlərindən danışılmır.
Publika.az xəbər verir ki, bunu Milli Məclisin bu gün keçirilən növbədənkənar sessiyasında deputat Razi Nurullayev deyib.
O qeyd edib ki, büdcə xərclərinin səmərəlilik faizləri olduqca zəifdir:
“Azərbaycanda yaşı 70-i keçmiş şəhid ailələri var ki, onlar hələ də evlə təmin edilməyib. Sosial yardımlarla bağlı vəziyyət acınacaqlıdır. Bu yardıma ehtiyacı olanın qarşısında böyük qaya qoyulur. Bizdə hər şey kağız üzərində daha yaxşı görünür. Mənim məktublarıma cavab verilmir”.
