“Çoxlarının sevimli ləzzəti olan halva sağlamdır, çünki tərkibində antioksidantlar və yağ turşuları var”
Medianews.az xarici mediaya istinad edərək xəbər verir ki, bunu bioloq İrina Lyalina bildirib.
Mütəxəssis halvanın üyüdülmüş küncüt, günəbaxan və kətan toxumlarından, qoz-fındıqdan hazırlandığını və bu desertin zülal, vitamin və minerallarla zəngin olduğunu bildirib.
Onun sözlərinə görə, halvanın tərkibində maqnezium, dəmir və kalsium, sağlam yağ turşuları və antioksidanlar var. Sonuncular bədəndəki iltihabı azaldır və ürək sağlamlığını dəstəkləyir.
Lyalina bildirib ki, halva bağırsağın fəaliyyətini normallaşdıran lif mənbəyidir və buna görə də xüsusilə yaşlılar üçün faydalıdır. Bundan əlavə, bu desertin tərkibində E vitamini var.
Mütəxəssis qeyd edib ki, fıstıq halvasının tərkibində diş və vətərlər üçün lazım olan silikon var. Kətan toxumu halvası isə ürəyin və qan damarlarının güclənməsinə kömək edir.
Medianews.az
