Tanınmış hücumçu Radamel Falkao karyerasını vətənində davam etdirməyə yaxındır.
QOL.az xarici KİV-ə istinadən xəbər verir ki, “Milonarios” klubu 38 yaşlı forvardın xidmətində maraqlıdır. Falkao özü də vətəninə qayıtmaq istəyir. Bu səbəbdən də o, Avropa klublarından aldığı təklifləri geri çevirib. Hazırda Falkao ilə “Milonarios” arasında aparılan danışıqlar müsbət yekunlaşmaq üzrədir.
Qeyd edək ki, kolumbiyalı forvardın son klubu “Rayo Valekano” olub. O, 2023/24 mövsümündə 26 matçda 4 qol vurub.
