Yeni layihənin məqsədi ölümcül və neyrodegenerativ xəstəliklərdən əziyyət çəkən xəstələrin başlarını sağlam donor bədənlərinə köçürməklə yeni həyat verməkdir. Şirkət üz transplantasiyası əməliyyatını da həyata keçirəcəyi barədə məlumat verib. Prosedura həyati strukturların yenidən əlaqəsini təmin etmək üçün qabaqcıl robototexnika, süni intellekt və real vaxt əsasında molekulyar səviyyəli görüntüləmə daxildir. Hələ “konseptual mərhələdə” olan layihə onurğa beyninin təmiri kimi cari problemləri həll etmək və tibb elminin sərhədlərini aşmaq üçün bu sahədəki ən yaxşı istedada sahib şəxsləri axtarır. Bundan başqa, şirkət 10 il ərzində bu mürəkkəb proseduru yerinə yetirə biləcək tam avtomatlaşdırılmış və robotlaşdırılmış sistem hazırlamağı hədəfləyir.
“BrainBridge” tibb elmində yeni sərhədləri araşdırmaq və əvvəllər ağlasığmaz hesab edilən sahələrdə inqilab etməyi hədəfləyir. Lakin baş transplantasiyası ehtimalı mürəkkəb etik suallar və narahatlıqlar doğurur.
“BrainBridge” onların yanaşmasının ciddi elmi araşdırmalara əsaslandığını və ən yüksək etik standartlara riayət etdiyini vurğulayır. Şirkət bu mühüm məsələlərin həlli üçün elmi şura, siyasətçilər və ictimaiyyətlə açıq dialoqa girməkdə olduqca qərarlıdır. Baş transplantasiyası konsepsiyası aşağı büdcəli elmi fantastika kimi görünsə də, bu, nevrologiya sahəsində irəliyə doğru atılmış mühüm addımdır. Bu konsepsiyanın potensial faydaları həyati təhlükəsi olan vəziyyətlərlə üzləşən fərdlər üçün danılmazdır.
