“Fernandu Santuş dünyada tanınmış baş məşqçidir. O, 2014-cü ildə Yunanıstan millisini dünya çempionatının final mərhələsinə çıxarmış təcrübəli mütəxəssisdir”.
Msport.az xəbər verir ki, bu sözləri AFFA-nın icraçı vitse-prezidenti Sərxan Hacıyev Azərbaycan millisinin yeni baş məşqçisi Fernandu Santuşun təqdimat mərasimində deyib.
70 yaşlı çalışdırıcının Portuqaliya yığması ilə Avropa çempionu olduğunu xatırladan S.Hacıyev ona çox inandıqlarını bildirib: “Məqsəd 2028-ci ildə keçiriləcək Avropa çempionatına vəsiqə qazanmaqdır. O da millimizin bir neçə oyununa baxıb və komandaya güvəndiyini söyləyib. İnanıram ki, onun rəhbərliyi altında müsbət nəticələr qazanacağıq”.
