“Həm İsrail, həm HƏMAS günahkardır" – BMT hesabatı
“2023-cü il oktyabrın 7-də HƏMAS-ın İsrailə hücumundan sonra Qəzza zolağında başlayan hərbi əməliyyatlar zamanı münaqişənin hər iki tərəfi tərəfindən hərbi cinayətlər və insanlığa qarşı cinayətlər törədilib”.
Yeniavaz.com xəbər verir ki, bu barədə BMT-nin müstəqil komissiyasının hesabatında deyilir.
Komissiyanın hesabatı oktyabrın 7-dən 2023-cü ilin sonuna qədər olan dövrü əhatə edir və qurbanlar və şahidlərlə müsahibələrə, açıq mənbə materialına, peyk görüntülərinə, məhkəmə-tibbi ekspertiza hesabatlarına və media araşdırmalarına əsaslanır:
Komissiyaya HƏMAS-ı oktyabrın 7-də mülki şəxslərin qəsdən öldürülməsi, yaralanması, pis rəftar edilməsi, girov götürülməsini daxil edilib. Eyni hərəkətlərin yaralılar da daxil olmaqla İsrail hərbçilərinə qarşı edildiyi də bildirilir.
Komissiya, HƏMAS-ın hücumundan sonra Qəzza zolağında hərbi əməliyyata başlayan İsrailin qeyri-qanuni olaraq Qəzza zolağında çoxlu sayda itki ilə nəticələnən hərbi əməliyyatlar həyata keçirdiyini bildirib. Hesabatda İsrail hərbçilərinin əhalinin sıx məskunlaşdığı ərazilərdə böyük dağıdıcı gücə malik ağır silahlardan istifadə etdiyi bildirilir və bunu dinc əhaliyə qəsdən və birbaşa hücum kimi təsnif edir. Komissiyanın qənaətinə görə, İsrailin etdiyi hərbi cinayətlər arasında aclıqdan ölən dinc sakinlər, fələstinliləri özbaşına həbs etmək və on minlərlə uşağın öldürülməsi və şikəst edilməsi də var.
Bundan əlavə, hesabatda deyilir ki, İsrail hakimiyyəti ölkənin cənubundakı mülki insanları qoruya, tez təxliyə edə bilməyib, həmçinin sistematik olaraq məhkəmə-tibbi sübutlar toplamayıb - xüsusilə cinsi zorakılıq halları ilə bağlı.
