7NEWS.az xəbər verir ki, "Sekisui House” şirkətinə məxsus 10 mərtəbəli 18 mənzilli yaşayış binasının dağ mənzərəsini kəsməsi ərazidə yaşayan insanların şikayətlərinə səbəb olub. Şikayətlər ölkə ictimai rəyində gündəmə gəldiyindən şirkət nadir bir qərar qəbul edərək, mənzillər satışa hazır olsa da, binanı sökmək qərarına gəlib. Şirkət dağın mənzərəsini kifayət qədər nəzərə almadıqlarını etiraf etsə də, söküntü xərclərini də qarşılayacaqlarını bildiriblər. Yaponiyada və YUNESKO-nun Ümumdünya İrs Siyahısında yerləşən, hündürlüyü 3776 metr olan Fuci dağı ölkənin milli simvollarından biri hesab olunur.
7NEWS.az
