Bakı Fond Birjasında 2024-cü ilin yanvar-may ayları ərzində qiymətli kağızlar üzrə keçirilən əməliyyatların ümumi həcmi 14 milyard 686 milyon 648 min 891 manat təşkil etmişdir. Birjasda 2023-cü ilin yanvar-may ayları ərzində qiymətli kağızlar üzrə keçirilən əməliyyatların ümumi həcmi 6 milyard 334 milyon 402 min 343 manat təşkil etmişdi.
Birjanın yaydığı məlumatda bildirilir ki, ötən ilin müvafiq dövrü ilə müqayisədə korporativ qiymətli kağızaların ticarət həcmində 42%, dövlət qiymətli kağızların ticarət həcmində isə 31%, repo əməliyyatları üzrə 221% artım olmuşdur. O cümlədən, ötən il ilə müqayisədə korporativ qiymətli kağızların repo əməliyyatların bazarı üzrə 123% artım qeydə alınmışdır.
2024-cü ilin May ayının son ticarət günü üzrə səhm bazar kapitalizasiyası 5 milyard 768 milyon 811 min 684 manat təşkil etmişdir.
